Իմփալիացցօ. Հալէպը` քրիստոնեաներու խորհրդանիշը խաղաղութիւն կը խնդրէ։

(Ռատիօ Վատիկան) Սանդ` Էճիտիօ հասարակութեան նախագահ` Տիար Մարքօ Իմփալիացցօ  ռատիովատիկանի հետ ունեցած ելոյթով, արտայայտուելով Պարիի մէջ Միջին Արեւելքի քրիստոնեաներու մասին կայացած միջազգային ժողովին  ըսաւ. ''Պարիի հանդիպումը միջ-քրիստոնէական ճշմարիտ վեհաժողով մըն է, որուն կը մասնակցին Միջին Արեւելքի բազմաթիւ պատրիարքներ ու եպիսկոպոսներ, ինչպէս նաեւ Եւրոպական միութիւնը ներկայացնող բազմաթիւ նախարարներ։ Ժողովին նպատակն է մէկ` Հրաւիրել Արեւմուտքը աւելի զօրակցութիւն ցուցաբերելու Միջին Արեւելքի քրիստոնեաներուն։ Երկրորդ` ցոյց տալ իսլամներուն որ այդ հողը քրիստոնեայ հող եղած է եւ քրիստոնեաները տեղացի են եւ ոչ թէ օտարներ եւ երրորդ`  շեշտել որ միջազգային հասարակութիւնը ճշմարտապէս աշխատի խաղաղութիւնը վերահաստատելու Սուրիոյ եւ Իրաքի մէջ։ Ելոյթին մէջ Իմփալիացցօ յայտնեց ապա թէ Հալէպը` քրիստոնեաներու խորհրդանիշը խաղաղութեան կը կարօտի։